Jowai : Ka khynnah wa dang 12 snem i rta wa sah ha i yung ka kong Beautiful Dkhar ha Chilliang Raij wa wiar nadooh ka 7 traik uni u bnai da chem ya ka ynnin ka 8 tarik.
Katkam i pyntip ki pulit da ong wa kani ka khynnah sah ko kam ka wakreh ha yung ka kong Dkhar kattu la chi bnai wei da thmu leh u pynlai skur ka ha ka skur miet wa pyllai da ka Presbyterian Women Social Welfare ha Pohskur.
Nachwa kani ka khynnah jooh kreh ko ha Ladthadlaboh wei lai skur ko ha i skur miet wa em ha St. Mary Mazzarello hadooh klass 7.
Da ong leh wa kani ka khynnah da yut ko na yung neidaw wa kwah ko u lai skur biang cha chnong ko ha Mynska.
Hadien wa yut ko na yung heipor kamwa 3 waje i janmiet da chem ko ya uwi u bru ha Iawmusiang wa kamai kari cha Changpung uwa tipmit ka. Uni u bru da kit u ya ka cha Changpung wei da sah ko leh ha yung u ha ka miet yong ka 7 tarik.
Ha ka sngi wa bood em ki bru wa tipmit ka kani ka khynnah wei da libooh ya ka cha ka chnong ko cha Mynska.
Da ong leh wa i daw wa yut ko toh du neidaw wa kwah yung ko kamjooh ym em chah lehbeiñ ko ha ki tre yung wa sah ko.
Discussion about this post