Jowai: Ka lieñsuiñ AN 32 yong ka Indian Air Force (IAF) da chem ya ka ynne ka sngi ha i khloo wa jngai kamwa 16 Km na ka chnong Lipo, Arunachal Pradesh.
Katkam ka tweet yong ka Indian Air Force da ong wa dang pynemkaam ya ka helicopter Mi 17 wow thooh ya kiwa em ha kani ka lieñsuiñ.
Kam wow pynkynmooo heini, kani ka lieñsuiñ da wiar ko hadien wa mih ko na Jorhat, Assam ha ka 3 tarik uni u bnai dei thmu wow lai Mechuka Advanced Landing Ground chirup wa 13 ngut hapoh yong ka kiwa kynthup leh ya ki chipai ka IAF.
Katkam wa man kattæ dang yaleh wow thooh lada em kiwa dang im hadien wa da haap (crash) kani ka lieñsuiñ.
Discussion about this post