Hadien 8 bnai wa jia i haap uwi u bru na ka yingkieñ ha Iewsier ha wah Umran wei i wiar u da pynman ya ki paidbah wa ki pulit wow thooh ya oo. Ynne ka sngi ki pulit ka Ri Bhoi da yoh khubor ki wa da chem sadu i chyieñ wa sahkut hajrong ki moo yong katai ka wah.
Kitai ki chyieñ da chem chwa da kiwa khwe kiwa da pyntip cha kiwa ha-yung ha-sem waka chnong. Hadien ini kiwa ha-yung da pyntip noh ki cha ki pulit khnang wow leh yeiwa emkaam.
Kam wow pynkynmoo wa ha ka 27 tarik u Naiynñiaw 2025, heipor janmiet uwi u bru wa tip kam u Ebi Nongshli na ka chnong Umtasor, katwa dang chongke u wa ki lok hajrong ka yingkieñ ha Iewsier, syndet da haap u chapoh wei da rah noh ka um oo ha ka wah Umran. Hanlada thooh ya oo, ym em chem ki oo.
Katkam ka yutip da ong wa da suba wa kitai ki chyieñ ha ki moo toh ki yong u Ebi tangwa ympu ye wow pyntikna pura hadooh wa dep leh ya ka takit wa bniah. Heiwa kiwa ha-yung da kyrpaad ki wow leh ya ka DNA Test khnang wow pynsakhiat wa toh ki yong u Ebi Nongshli.
Ki pulit ka Nongpoh da hiar ki cha itai i thaw chirup wa kiwa ha-yung ha-sem wow pynman ya ka takit wa bniah.
Discussion about this post