Ka Geological Survey of India (GSI) da chem ko boon ki mar pohkhyndaw ha Meghalaya wa kynthup nadooh u Bauxite (Moderate Qaulity), u moochuni wa miat bha wa ki dak ki chin wa em Lithium iwa pynemkaam hawa chna ya ka Battery ki kari Electric Vehicle.
Ka GSI da chem ko wa ya uni u Bauxite toh uwa em ha ka thaaiñ Rymai ka West Khasi Hills wa ki chnong wa em ha khappood wa ka East Khasi Hills.
Da chem leh wa em Bauxite ha Garo Hills wei uni u toh uwa ye wow pynemkaam yow pynmih Aluminium deiwa pynemkaam wa u moochuni.
Ka GSI da pyntip ko wa ha East Jaiñtia Hills da chem wa em moochuni ha ki 29 tylli ki thaw (Block) uwa dapoi 566.04 Million Tonnes heiwa ha Sohra du ha kawi ka Block da em 71.78 Million Tonnes.
Deiwa chem sa kini paar moochuni wa thymme, ka Meghalaya kattu da em ko 5736.82 Million Tonnes u moochuni uwa miat bha namo High Quality.
Ya u Lithium da chem hajan ka Sohra wei yeini i thaw da e pyrtuid kam ka “Lithium Valley” wei u Lithium najrong wa pynemkaam ha ki Battery ye leh u pynemkaam yow pynmih Aluminium-Lithium Alloy.
Ka GSI da thooh ko ko leh ya ki mar pohkhyndaw wa man kyrpang wa tip kam ki Rare Earth Element kam u Germanium.
Discussion about this post