U khynnah uwa 15 snem i rta uwa na chnong Ladmyngngor, West Jaiñtia Hills uwa tip pyrtuid kam u Shibait Pasi uwa da wiar nadooh ka 2 tarik uni u bnai ha 13 Mer Byrnihat da chem ya oo ynnin ka 4 tarik.
Uni u khynnah toh uwa da lai bood Truck wa u pa khian u la chitayaaw haroh wei heipor wa dang pynhiar mar ki ha Byrnihat da chatæ u wei da kwah u wow liwan, kamtæ da lai u dei kjat deiwa pynsangeh truck boi em kiwa bien wow kit oo.
Neiliang u pa khian u da mut u jan da wiar u wei da pyntip u cha ka yung ka sem yeini wei da pyrchang u leh wow thooh ya u Shibait.
U Shibait da lai u dei kjat hadooh wa poi cha Shangbangla wei heini da ngiah wei da lai u cha iwi i thaw rep wa em pyn harood sarok heiwa ka bru wa rep ha kani ka thaw manda yoo ko da u khynnah da e thaw sah thaw dem thaw sum kamjooh i baam ya u Shibait.
U Shibait da sah u ha kani ka thaw ha ka 2 tarik wa ha ka 3 tarik wei ym ye u pyntip cha kiwa ha-yung u neidaw wym kynmoo u yei Phone Number ki.
Kamtæ kiwa ha-yung deilang ki bru na ka chnong da lai li thooh ki oo ha ka 4 tarik wei da jia wa ha ini i por uni u khynnah deilang ki bru wa sah u dang chong ngiah ki harood sarok hajan kani ka thaw rep ki wei da yoo ya oo da kiwa thooh oo.
Neiliang ka yung ka sem da pynsñiaw ki yei kmen wa da chem biang ya u khon kamjooh i sñiawngooh ya kiwa pait wa sumaar oo.
Discussion about this post