Da chem ya u khynnah wa wiar na Mukhla Nongrim

U Donmi Blah uwa chong chnong ka Mukhla Nongrim uwa da wiar nadooh ka 31 tarik u Naisaphra da chem ya oo ynnin ka 2 tarik na Police Bazar, Shillong.

U Donmi Blah uwa dang 13 snem da wanrah ya oo cha yung pyn ynnin hi wei man u uwa chait wa khiah.

Ya u Donmi da em wa yoo oo hapoh iwi i dukan baam wa em ha Police Bazar heiwa uni u bru da pyntip u wut-wut cha kiwa ha-yung wei da wan chimkti ki pulit kiwa na Shillong ya oo wei da e kti won cha ki pulit ka Ummulong Beat House. Heipor wa chem ya oo da em u samen samen.

Neiliang ki pulit da pyndep ki yei takit chwa wow e kti ya u Donmi cha kiwa ha-yung.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam wa da pyntip da ong wa ymtoh wa chah rah bor u.

Neiliang ka yung ka sem da e khublei ko ya ki paidbah khamtam kiwa synchaar chnong nadooh ka Mukhla Nongrim, Mukhla Mission kamjooh ki waheh chnong wa kiwa ksoh kaam yong ka Mukhla Raij hi waroh kawi yei kreh chitom ki.

Da e khublei leh ya waroh ki lok ki jor, ki kha ki man, kiwa emyatoh kiwa da booh hei duwai yow pynpoi yung ya u Donmi wa ya waroh kiwa da pynpoor ya ka khubor hadooh wow ye u chem biang ya oo.

“U Blai da yoo u wei da ap da sñiaw u yei kreh chitom kamjooh i duwai yong phi wei neiliang ka yung ym em thylliej de wow batai yei sñiaw yong i kam ka yung ka sem wei sah sa du i sñiaw burom ya phi waroh. E wa u Blai u nang pynpahooh chooh chooh u ya i mynsien maya wa em ha phi uwi pa uwi kamjooh wow nang kyrkhu kyrdoh u ya phi wa ka yung ka sem yong phi waroh. Khublei chiboon,” da ong ka kyrwoh na u Yoomanly Blah uwa man kam u Wohkhian u Donmi.

Puræ leh: Wiar uwi u khynnah wa dang 13 snem