I thooh ya kiwa chah ban hei oor thah ha Uttarakhand iwa da jia ha ka 4 tarik uni u bnai hadooh ynne da chem waroh 26 tylli ki metyap wa kynthup ya 10 tylli kiwa dang chem heiwa na kini da toh i yong u Tiklu Jyrwa uwa napoh ka jylla Meghalaya uwa man kam uwi na ki 40 ngut kiwa lai ku ya u loom Mount Draupadi Ka Danda II.
U Tiklu da man kam uwi na kiwa chah sikai wow ku loom wa pynman da ka Nehru Institute of Mountaineering (NIM) wei ki metyap wa da chem na 26 tylli, 24 tylli toh ki yong kiwa chah sikai katwa ki ar ngut toh kiwa sikai ka NIM.
U Tiklu toh uwa sah ha Upper Lumpariang wei da chah jied u wow yoh yeini i sikai ha ka National Institute of Mountaineering & Allied Sports hadien wa pynman yei pynkhreh ha Dirang, Arunachal Pradesh.
I thaw wa jia ini hadien wa khooid i suiñ bneiñ da chem toh iwa kamwa 50m-60m chwa u poi cha khlieh u loom iwa em kamwa 17,500 phut chajrong na sla duriaw.
Neiliang u Montri Rangbah da phah u ya ka khubor sñiawlem cha kiwa hayung u Tiklu Jyrwa deiwa pyntip wa ka sorkar daw pynbiang ko yeiwa emkaam yow kit yei metyap cha Shillong.
