Hadien i thooh wa khlem da sangeh wei deiwa kreh chitom kamwa 3 sngi da ki bru ka Search & Rescue, ka SDRF, kiwa kreh ka Municipal deiwa yarap ki bru paidbah, ynne da chem ya iwi i metyap iwa da antaad toh yong u bru wa da chah tlep hei jhep ha Marten iwa da jia nadooh i step ka 3 tarik uni u bnai.
Ya ini i metyap da chem na chiteiñ riat wa rben bha i jhep wa oor wei i metyap wa chem toh iwa da tkut lyngkhot wei da chah thang hei diñ wa kop ha kani ka thaw noh jhep.
Ini i metyap wa da suba joor toh i yong u Marshal Marwein uwa 30 snem i rta, toh iwa da chah tlep pynim.
Ki pulit da pyntip ki wa yeini i metyap da chemdien deiwa yoo chwa ya ka kynja proh khloh jhep wa jooh rah da uni u khynroo yow taan jhep wei hadien ini da chem sa u kriah wa jooh kieñ u.
Discussion about this post