Uwa uiñke suwari na ri Hungary uwa da wan cha Meghalaya nadooh ka 29 tarik u March deiwa sah ha kawi ka Hotel wa em ha Laitumkhrah wei da mih u pyn ha ka jooh ka sngi yow lai cha thaaiñ Shella, da chem yei metyap u ynne ka sngi.
Uni u bru wa tip kam u Zsolt Puskas toh uwa 56 snem i rta wei da chem yei metyap u ynne heipor kamwa 1:30 i sngi na chnong Ramdait iwa em ha ka luti wow lai cha Tyrna iwa dang haap hapoh ka Sohra Civil-Division.
Da suba wa u Zsolt da mut u wai lai kjat cha Nongriat hadien wa hiar u na ka kari wa chim wai u kawa da pynhiar oo ha Mawsahew kawa em hajan Sohra.
Ya u Zsolt da thooh da ki pulit, ki Home Guards, ki SDRF deilang kiwa chong chnong nadooh wa pyntip cha ki pulit da ka Hungarian Embassy ha ka 2 tarik uni u bnai.
Yei metyap u da chem na chariñ loom wa em ha chnong Ramdait wei da man i iwa da sdang wow pyut wei da suba wa haap u cha riat wei ym em wa leh chynnam yeini tangwa neiliang ki pulit dang pynman ki yei takit wei da kær leh ya kani ka thaw.
Ya u Zsolt da thooh ya oo kylleiñ kylleiñ tangwa da ye wow tipsap u thooh hadien wa em ki khynnah wa yoo oo hajan Mawkawir wa Ramdait wei da wanrah leh da ki Drone yow pynman yei thooh.
Puræ leh: Wiar uwa na Hungary wa wan uiñke suwari cha Meghalaya
Discussion about this post