Da chem yei metyap uwa wiar la 6 bnai lyngba u Wyrta

Jowai : Hadien wa dep pynmih khubor ha u WYRTA ha kani ka 13 tarik wa da dep yei wa wiar u Riki Phawa kattu aw jan 6 bnai nadooh ka 24 tarik u Naisaphar (August) 2015 ynne ka 15 tarik kiwa ha yung hasem yong u Riki dei yarap ki pulit da li sai ki ya i met yap u Riki nei thaw tlep ya oo wa em ha Loomchnong.

Ini da jia i hadien wa ki pulit yoo ki yei dur u Riki ha u WYRTA kamtæ da pyntip ki cha kiwa ha yung yow wan pyntikna wa toh næ ym toh u Riki.

Kiwa ha yung da pyntikna wa toh hi u Riki hadien wa yoh ki u yoo ya ki sula wa em ha Loomchnong Police Outpost wa da booh ki pulit kamjooh ya ki dur wa chon ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki pulit da pyntip ki wa ha ka 2 tarik u Naikhynde (September) 2015 da chem ki yei metyap u Riki iwa da pasi na u dieñ ha iwi i khloo ha Loomchong.

Ki pulit da ong ki wa yei metyap heipor wa chem toh iwa da pyut wei kamjooh da yoo ki wa em i tattoo ha ka kti yong uni u bru wa thoh Riki.

Kamtæ ha ka 3 tarik yong ka sngi wa bood hadien wa dep leh ya ka Postmortem, da tlep ya u Riki hei thaw wa da e ka chnong Loomchnong cha ki pulit.

Katkam ka Postmortem report da ong wa yap u Riki neidaw a pasi u.

Kiwa ha yung da tih biang ki yei metyap u Riki yow rah cha Kyndongtuber yow pyndep ya ka niam.

U Riki toh u wa 29 snem i rta.