Ka DC ka East Khasi Hills da pyntip ko wa u Robino Kynther uwa naka chnong Kenmynsaw uwa da wiar hei oor khyndaw iwa da jia ynnin ka sngi, da chem yei metyap yong oo ynnin i miet hi.
Ini i chnong toh iwa da em hapoh ka Mawsynram C&RD Block heiwa ha ini i jia da khlaad leh ka kurim u Robino kawa tip kam ka Drit Byrsaw.
Da ini da ku kiwa khlaad ynnin ka sngi cha 9 ngut ha East Khasi Hills nei chah ban chah tlep hei khyndaw.
Ka DC da pyntip ko leh wa i yung ka Pyntngen Khongsit wa em ha ka chnong Kshaid hapoh ka chnong Laitkroh Khatarshnong Block da chah ktah i nei oor khyndaw.
Da em leh ki sarok kiwa da chah ktah kamjooh ki ying kieñ kjat ki wym hoi de wow pynemkaam.
Ka yingkieñ lai kjat ha Sonatola wa em hapoh Mawsynram toh kawa da haap da pra. Ka yingkieñ kjat ha Suktia wa em hapoh Shella Bholaganj Block toh kawa da sih lut wei ym hoi de u pynemkaam.
U sarok SPV Road ha Pyrkan Shella toh uwa da sih tangwa dang hoi u la ki kari katwa u sarok Nongjri Bholaganj wa em ha Pynursla toh uwa da sih wei ym pu hoi u lai ki kari.
