Nongstoin: Chirup wa ka ri waroh kawi da lehwarom ya ka Swachh Sundar Shauchalaya Day ha Nongstoin College ynne ka sngi da ka yung krehkaam District Swachh Bharat Mission, Nongstoin heiwa u Deputy Commissioner, u T. Lyngwa da man u kam u kongsan.
Ka SSS toh ka Scheme wow pynmiat ya ki paikhana wow pynchlur ya ki paidbah wow pynemkaam ya ki bar wow lai mihlait cha lait.
Ha ka chi bnai ka SBM wa PHE yong ka West Khasi Hills District da niaam rong ko ya ki 38812 tylli ki paikhaana ha ki 668 tylli ki chnong wei da chna ya ki 46073 ki paikhana heiwa 5 tylli na ki da tyrwa pyrtuid ha ka State Bharat Swachh Mission.
Kiwi kiwa da klam ha kani ka sngi kynthup i ya u A. Nongbri SDO Civil Mairang, u R.S. Nongbri, SE PHE Western Circle, u W. Syiemlieh, SDO PHE, u D. Shabong u Member Secretary DWSM wei da yoh ya ki kyntien khubleiu na u J. R. Nongsiej, District Coordinator SBM.
U Medarius. Langrin na ka chnong Mawlait da yoh u ya ka National Award of Swachh Sundar Shauchalaya na u montri ka Jal Shakti, u Gajendra Singh Shekhawat ha ka 24 Naiynru 2019 ha Vighyan Bhavan Delhi, da pynkupburom leh ya ki san ngut ki sordars, wa kiwi kiwi.
Discussion about this post