Da chna ya ka Committee wow pynsuk u yohbor yow tih moo tih chyiap

Ka Joint Action Committee wa pynlai da u Deputy Chief Minister, u Prestone Tynsong, ynne da chong yalang ko ha Meghalaya Secretariat wow pynsuk ya ki kyndon aiñ hapoh ka Mines and Minerals (Development and Regulation) Act (MMDR) neibynta ki Minor Minerals wa kynthup nadooh u chyiap wa u moo.

U Prestone hawa e i klam da ong u wa ya ka yalang da khut da ka Forest Department wow pyrkhat yow pynsuk ya ki kyndon hapoh ka MMDR Act neibynta ki Minor Minerals wa kynthup ya u chyiap wa u moo wei kani man ko ka bynta wa kongsan bha heiwa ka Committee wa da thung ka sorkar u pyrkhat ko hajrong i pynsuk ya ki kyndon yow yoh bor u tih ya kini.

Da ong u wa ka yalang wa bood da booh tarik wow chong da ka Forest, Mining and Geology wa ka Law Department.

Hajrong i tih moo pyrchah aiñ ha ka jylla, u Prestone da kdaw u cha i rukom e License neibhah kiwa chong chnong cha palatsor kiwa em paar tih chyiap wa u moo chem chitom ki wow paan ya ki License næ ki Permit neidaw wa chimpor wei ka Committee u chong pyrkhat ko wow pynsuk ya ini.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka Sub-Committee wa em ki chnat wa yatohkaam, u chong biang ko ha u Kmaichonglad (Dec) wow yarap ya kiwa tih chyiap wa u moo wa khih da kiwa khian bor.