Shillong: Deiwa pyrkhat ya ki kaam wa emkaam jhan namo ki Emergency kiwa ye u mih na i poor ka khlam COVID- 19 khamtam heiyatoh wow e sumaar kamjooh wow yahluti kammon wow leh ya kiwa yoh ya u khñiang COVID-19, u Chief Secretary ka sorkar Meghalaya da pynmih hukum u ynne ka 28th March, 2020 yow pyntip wa da chna yaka State Level Medical Expert Committee ka wow krehkaam chisyndon.
Ya kni ka Committee u khlieh da u Sampath Kumar, Commissioner & Secretary, Health & Family Welfare Department kam u Chairperson wei ki dkhot toh u Dr. Andreas Dkhar, MD, Senior Medical Specialist, Civil Hospital, Shillong, Dr. S. Hazarika, MD, (Retd.) Government Medical Professional, Dr. Michael Mawlong, MD, Microbiologist, Nazareth Hospital, Shillong, Dr. M. Chengappa, MD, Super Care Hospital, Shillong, Dr. Sandra Albert, Director, Indian Institute of Public, Shillong, Dr. Vishwajeet Kumar, (John Hopkins) Public Health Specialist & C.E.O., Community Empowerment Lab, Dr. Vijay Nongpiur, Nodal Officer, COVID, NEIGRIHMS, Dr. Sandi Syiem, MD (Psychiatry), Sanker Rehabilitation Centre, Shillong, Dr. N. Wanswett, Director of Health Services (Research) wa u Dr. A. Warr, Director of Health Services (MI) kam u Member Secretary.
Ka Committee toh ka wow e buit wei wow yah luti yaka sorkar wa kiwi ki Doctor ki wakreh ha kiwa boon ki Hospital kammon wow sumaar ya kiwa yoh ya u COVID-19 wei wow pait leh yei krehkaam ki jait sumaar kiwa da pynemkaam cha kiwi ki jylla wa ki ri.
Nalor ini, u pynmih ki leh yaki kot ki sla heiyatoh wa u COVID-19 wei wow pyntip leh cha ka sorkar yeiwa chem ki yow tip ya kawon ka luti wow lai.
Discussion about this post