Shillong: Ka New District Committee ynne ka sngi da kyntu ko yaka sorkar jylla wow pynku kyrdan noh yaka Mairang Civil Sub-Division kam ka District wa thymme.
Ka New District Committee da yachem ko wa u Montri Rangbah u Conrad K. Sangma ynne ka sngi hei emlang u Assembly Speaker u Metbah Lyngdoh wa u Montri ka Water Resources u H. Brolding Nongsiej ha i yung Assembly warim wa em ha Khyndailad, Shillong.
Hawa klam wa kiwa pathai khubor hadien ka yalang, u Montri Rangbah da ong u wa em boon ki dawa wow chna Block, Sub-Division wa ki District wei ka sorkar dang bichaar ko ya waroh kini ki dawa neibhah i pynyajan yei synchaar cha ki paidbah man i iwa emkaam bha.
Heijooh i por da ong u leh wa hap wow pyrkhat yei chitom poisa wei hajrong ini wa kiwi de ki phang daw chim yei rai.
Ka Mairang Civil Sub-Division man ko leh ka Sub-Division kawa rim dooh ha Meghalaya.
