Da dep chna Committee ka sorkar yow pait yei dawa kiwa kamai kari Tourist

U Montri Rangbah ka jylla, u Conrad K Sangma ynne ka sngi da pyntip u wa da phah ya ka chnat Tourism wow chna da ka Committee yow puræ bniah yeiwa da dawa kiwa yah kari kamai wa kit bru na Meghalaya cha Assam wa kiwi ki jylla.

Ha kani ka tayaaw wa dadep, ka seiñ kiwa yah kari kamai hapoh ka lama ka All Meghalaya Khasi Tourist Taxies Association (AMKTTA), da pyman yakhih ko yow dawa na ka sorkar yow khang ya ki kari na baar jylla kiwa wan kit ya kiwa uiñke suwari yow lai booh chadooh ki thaw uiñke waphær waphær ha ka jylla, deiwa em i thaw wow ksoh ki yow chim kiwa uiñke suwari da ki kari kiwa na Meghalaya.

Hawa klam hajrong ini, u Conrad pyntip u wa sñiawthooh yei eh kiwa kamai kari ka jylla, wei da ong u wa da phah ya u Director ka chnat Tourism wow chna ya ka Committee wow em ki sahep na ka chnat pulit, chnat aiñ, najrong kiwa yah kari kamai yow ya phyllu wei wow e buit ki cha ka sorkar jylla chwa wow chim yei rai kammon u leh hajrong ini.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

Da ong u leh wa toh u chim yukheiñ katwon ngut em kiwa kamai kari, kiwa da dep Register, ki wym pu em Register wa kiwi ki laad wa toh u leh.