Da dep e kti 70% i thaw yow chna ya ka Western Bypass, Rs. 640 klur yow chna sarok wa Rs. 680 ka bai thaw

U Symbood Montri Rangbah ka jylla uwa pait leh ya ka chnat PWD (Roads), u Prestone Tynsong da khana u wa ki Deputy Commissioner yong ka East Khasi Hills wa Ri-Bhoi da dep ki wow e kti yei thaw la kamwa 70% neibynta u chna ya ka Western Bypass cha ka National Highways & Infrastructure Development Corporation Limited (NHIDCL), wei da pyntip u wa ya ka poisa leh da dep wow pynlait kawa dapoi hadooh Rs. 640 klur du neibynta wow chna sarok wa Rs. 680 klur neibynta i bai thaw.

Da khana u wa katkam iwa da ya pynbait hapyrdi ka NHIDCL wa ki Company kiwa pynkreh ya u sarok toh wa ka Company u sdang yei kreh du lada e kti hadooh 90% i thaw wei pynrap u wa ka sorkar u pyntikna ko wa la kammon kammon ha u Naiynru daw ye wow e kti noh yei thaw hadooh 90%.

Heijooh i por u Prestone da ong u wa hawa pynkreh yei kaam daw em bait i eh khamtam hawa yatoh wa i thaw neibhah yei thaw hapoh ka jylla da mantre da ki paidbah.  

Related posts

Ka KNGC toh kawa biang lut wow man kam ka Exam Centre ka CUET: JSM

May 14, 2025

Pynbaad ka KSU Lapangap Unit wa da pynemkaam bakla ya u symbe kba wa toh u yoh na ka sorkar

May 14, 2025