Da dep jied ka sorkar 25 Acre i thaw yow pynkylla dur ya ka Shillong

U Montri Rangbah ka Meghalaya, u Conrad K. Sangma ynne da pyntip u wa ka sorkar da jied ko yei thaw wa heh awjan 25 Acre yow pynkylla dur ya ka sor Shillong.

U Conrad deiwa emlang ki sahep ka chnat PWD, Urban Affairs wa Forest & Environment da lai pait ki yei thaw wa em ka yung krehkaam ka PWD, ka Phan Nonglait Park waka Brightwell Bungalow kiwa em ha Barik Point neitæ cha Anjali Point wa Polo.

“Ka sorkar da em ko i thmu wow chna ki luti lai kjat, ka Park, ki thaw wow pynwyrngia yow pynmiat dur yaka Shillong deiwa pynboon leh ya ki thaw paidbah,” da ong u Conrad deiwa pynrap wow leh yeini deiwa pynyoo yei mahajon ka Meghalaya ha ka dustur riti.

Da khana u leh wa ha Barik Point daw chna deiwa kyrpang wei daw pynhær ya ka lama ka ri kawa daw chynna na kyllieñ ki thaw ka Shillong yow man kam ka dak wa yatylli wei i mynsien sñiaw sarong.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Chooh chooh da ong u wa ha kini ki thaw daw booh leh ki thaw pynyieñ kari, ki thaw baam wa kiwi de kiwa emkaam yow pynsuk ya kiwa uiñke suwari kamjooh kiwa chong chnong wei u sdang nadooh u Naiynñiaw deiwa kyrriah chwa ya kini ki yung krehkaam ka sorkar katwa i kreh u sdang i ha u Naikhynde wei u leh yeini dei wym pynthut ware yei lai i wan ki paidbah.

U Conrad da phah u leh ya ki sahep ka chnat Forest & Environment yow kyrriah ya ki mrad wa em ha Phan Nonglait Park cha ka State Zoo wa da chna thymme ha Ri-Bhoi district.

Da lai pait u leh yei kreh neibynta ka yaaw ha Polo.