U Retd. Justice T Vaiphei uwa khlieh ya ka takit hajrong i chah siat yap uwa yahkhmat warim ka HNLC, ynne ka sngi da e kti noh u ya ka bui (Report) takit ha u Montri Rangbah ka jylla, u Conrad K Sangma.
U Justice Vaiphei uwa man leh u Chairperson ka Meghalaya Human Rights Commission (MHRC) da kyntait u wow khana yeiwa chem ka takit, tangwa da ong u wa hapyrdi ka takit da yoh u ya ka yakrehlang na kiwa hayung hasem u Cherish Starfield Thangkhiew wei kamjooh na ki pulit.
Ka sorkar da thung ko ya ka takit wa laitlooid ha u Naisaphra u snem wa dadep hajrong i chah siat yap u Cherish Starfield Thangkhiew ha ka yung sah u kawa em ha Mawlai Kyntonmasar. Ya kani ka takit da thung hadien i dawa na kiwa boon ki kynhun na Mawlai, khamtam wow beh kreh chipor ya ki le ngut ki heh pulit wa emkti ha katai ka lai siat ya u Cherish ha ka step synyaw ka 13 tarik u Naisaphra 2021.
