Da dep pynkhreh ya ki kyndon chalan wei lilam ya u mooyong: Justice BP Katakey

Ka Committee wa samen u Justice (Rtd) BP Katakey wa da thung da ka sorkar heiyatoh wa i kaam moooyong, ynne ka sngi dadep pynkhreh wei pynbiang ko ya ki kyndon kiwa paka neibynta wow chalan wei lilam ya u mooyong na ka jylla. Ki kyndon wa kani ka Committee da pynkhreh ko man bait ki thij neibynta u mooyong wa dadep tih chwa.

U Justice Katakey da ong u wa kani ka Committee toh katkam wa phah ka High Court ka Meghalaya hadien wa da chem wa ka sorkar ym em u bood ko ya ki hukum ka Supreme Court wa ka National Green Tribunal (NGT) heiyatoh wa i chalan ya u mooyong wa dadep tih chwa wow khang ka NGT ya i tih mooyong ha ka jylla ha u snem 2014.

Da ong u wa i kaam yong oo toh wow thooh yutip wa tikna thij ya i em u mooyong wa dadep tih neibhah wa ka sorkar jylla da e yukheiñ ko wa em kamwa 32 lak metric ton hadien wa da khang ka NGT ya i tih mooyong.

Da ong u leh wa ha South West Khasi Hills wa ha South Garo Hills u mooyong wa dadep tih chwa da jan dep wow yoh yukheiñ lut, wei da pyntip u wa ha South West Khasi Hills u mooyong wa dadep tih em u kamwa 3.19 lak metric ton.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Justice (Rtd) BP Katakey da pynsñiaw u wa uwa boon dooh u mooyong wa dadep tih em u ha East Jaiñtia Hills District, wei da pyntip u wa kamwa 50% da dep wow chim yukheiñ wei wow thaw, wei neiliang u Deputy Commissioner da pyntikna u wow pyndep u ya i chim yukheiñ hapoh ka 14 tarik uni u bnai.

Heiyatoh wa i e yumut wa da pynkhreh da ka Committee, u Katakey da ong u wa najrong ki Number kari wa da tikna, ki pyrtuid yong kiwa yah, yong u tre kari wa ka luti wa da lai ki cha ki thaw pynhaap ya u moyong hap pynyoo hapoh ka Challan, wei da e yumut leh wa waroh ki truck wa kit mooyong toh u em ki ya ki GPS khnang wow ye u booddien.

Chooh da ong u leh wa ka Committee da chimkhia ko leh ya i pynbaad wa da mih ha ki khubor heiyatoh wa i pynemkaam bakla ya ki Challan.

Kam wow kdaw heini ka High Court ha ka 19 Naitung (Apr) uni u snem da thung ko ya uwa bichaar warim ka Gauhati High Court, u Justice BP Katakey wow thooh bniah lada ka sorkar bood ko ya ki hukum ka Supreme Court wa ka NGT wow dam u em i leh tooh heiyatoh wa i khayi ya u mooyong na ka jylla.