Jowai : Ka Khasi Jaiñtia National Union (KJNU), ha ka khubor wa da phah da u Bhawan Lapasam, uwa man leh kam u President ka KJNU – Khliehriat Unit, da ong u wa hadien wa yoh yutip wa da khang ya ka Office ka seiñ kawa em ha Ladthadlaboh, neiliang ki dkhot ka seiñ ynne ka sngi da lai yachem ki wa ki waheh ka Dorbar Chnong Ladthalaboh.
Hadien ini i yachem ha yung khrehkaam ka Chnong hei emlang wa u president ka seiñ u Niman N Shadap, u Waheh Chnong ryngkat wa u Secretary Chnong ka Ladthalaboh wa ki dkhot ka seiñ da lai ki cha ki tre yung kiwa sah ha Mooralong Ladthadlaboh Jowai.
Kiwa heh ka seiñ da su pyndep noh ki ya ka bai yung ha khmat ki heh ka chnong wa ki khon ka tre yung kawa man leh ka bei yong u Secretary ka Chnong.
Ka seiñ da ong ko wa da booh ya kani ka yung krehkaam heini la 3 snem nadooh wa sdang ya ka seiñ wei da yoh leh ya ka NOC na ka chnong wei neiliang ki heh ka chnong leh hadien wa su pyndep ya ka bai yung da kular ki wow pteiñ u yakreh wa ka seiñ.
Neiliangh ka Dorbar Chnong da pyntip ko wa daw chong pyrkhat biang ko neini hei yatoh wow chah namo ym chah ya ka seiñ wow booh yung krehkaam ko hapoh ka chnong katwa ki tre yung won ym cha de ki ya ka KJNU u booh ophis ya i yung yong ki.
Also Read: Wym su bai yung chah tympiah u tylla Office ka seiñ KJNU
Discussion about this post