Hapyrdi wa mih ki khubor wa em ka lai leh sorjamin namo ka leh Survey neibynta ka luti rel da ka chnat Northeast Frontier Railways heiwa da em wa ong wa daw wanrah luti rel cha Khliehriat katwa kiwi won da ong wa da em i thmu wow wanrah ka luti rel hadooh ha chnong Jowai.
Da em kiwa chem ya ka chap wa da wan leh Survey wa da suba toh neibynta ka luti rel heiwa kani ka chap toh kawa soodong kawa da niaam rong ha uwi u moo deiwa em rong soo rong stem wa ki dak TLP-20.
Yeini da em wa chem ha ka thaaiñ Sakhain ka East Jaiñtia Hills.
Kam wow pynkynmoo wa u Montri Rangbah ka jylla, u Conrad Sangma da ong u wa i thmu wanrah luti rel ha Byrnihat-Shillong toh iwa da kut wei iwa dang yang toh kammon ka sur na East Jaiñtia Hills iwa da man i jooh i ong da u MLA ka Khliehriat, u Kyrmen Shylla wa chong hei rai ki paidbah.
Ka khubor won wa da em i thmu wow wanrah luti rel cha Jowai toh kawa mih thymme dang ha kini ki sngi.
Discussion about this post