Da e por sa chi bnai yow su ya ka bai bordiñ lyngba ka OTS Scheme

Ka Meghalaya Power Distribution Corporation Limited (MePDCL) da pynbna ko wa da pynyinsur da chi bnai ya ka One-Time Settlement (OTS) Scheme 2025 yow e laad ya ki paidbah wow su ki ya ka bai bordiñ ki kawa da sah khlem su da slem.

Heipor wa pynbna nyngkong ya kani ka Scheme da booh ynne ka sngi kam ka sngi khaddooh wei da e por kattu hadooh ka 30-04-25.

Kam wow pynkynmoo wa kani ka Scheme da chna kyrpang ka neibynta kiwa khian wa nai, kiwa dooh wa duk heiwa da maap 100% ya ka kuna kam ka Late Fees wei u kheiñ du ka bai bordiñ donhi.

Ya ka bai bordiñ ye u su chwa 40% wei kawa sah ye u su kajiak chisien iwa 6 sien khlem da kheiñ kawon kawon ka sut.

Related posts

Yap uwi u Karbi heipor wa pynthut yei ah kba ki Pnar ha Lapangap

October 9, 2025

Da ka e Tuition wa mynkna ya kiwa yaleh SSLC sdang ka NPYF 1-Nartiang kawa tip kam ka 1st Sniawbhalang Dhar Pathfinders Program

October 9, 2025

Kani ka OTS Scheme man ko leh neibynta kitu kiwa da chah ah bordiñ kiwa pynemkaam ya ka Load wa 5KW chapoh (DLT) wei kiwa man leh kam ki BPL.

Kiwa kwah wow leh ya kani ka Scheme ye ki wow lai cha ki yung krehkaam ka MePDCL deiwa yachem wa ki Assistant Executive Engineer (AEE).

Ye leh wow Phone ha u Helpline No. 1971/1912.