U District Magistrate ka West Jaiñtia Hills da pynmih hukum u ynne ka 3 tarik neidaw wa kiwa yoh COVID-19 hapoh West Jaiñtia Hills dang pteiñ hi ki wow man kiwa boon, kamtæ hapoh ka Section 144 Cr.PC deilang wa ka Regulation 3 ka Meghalaya Epidemic Diseases, COVID-19 Regulations 2020, da chim ya ka rai wow pteiñ ya ka Containment Measures hapoh waroh kawi ka District chisyndon hadooh wa pynmih hukumda kamwi.
Ha kini ki por da pynkrehkaam leh ya ka Corona Curfew nadooh 5:00 waje i miet hadooh 5:00 waje i step nadooh ka Monday hadooh Friday.
Ka Weekend Lockdown ha ka sngi Saturday wa Sunday hapoh waroh kawi ka District u krehkaam hi ko deiwa pynlait ya kiwa kit ya ki mar wa emkaam, ki kaam sumaar sukher wa ki kaam wa jhan (Emergency).
Ki kaam wym chah u leh:
Ha kini ki por ym pu chah wow wai waroh ya ki thaw puræ puthi hapoh ka District tangwa da toh u leh ki ya i e sikai lynga ka Online Class.
Ym pu chah wow pynman ya kiwon kiwon ki jait yalang paidbah kamjooh ym chah wow pynman ya ki bia.
Ki yalang hawa em i yapbru u chah wow em du 10 ngut ki bru deiwa yohbor na u DC lane na u SDO (Civil) Amlarem katkam i emkaam.
Ym chah yei psiah kiwa uiñke suwari kiwa na baar jylla wei waroh ki thaw uiñke suwari u man ki kiwa khang.
Ki yaw wa pynman chisien chi tayaw u man ki kiwa khang, ym pu chah leh wow wai ki yungmane.
Waroh ki yung krehkaam ki bru samen u man ki kiwa khang lait noh kitu kiwa leh ya ki kaam wym hoi u dam namo ki Essential Service. Ki yung krehkaam sorkar pyrdi ki wym toh kiwa emkaam, toh u man ki kiwa khang wei ki wakreh u kreh ki na yung.
I lai i wan cha kiwi ki jylla u man i iwa khang lait noh ya kitu ki kari kiwa lai luti cha Assam/Tripura/Manipur/Mizoram. Kini ki kari ym toh u sangeh ki ha ki chnong bru wa em ha tymbud u sarok NH-06 hapoh ka West Jaiñtia Hills District.
I lai i wan hapoh ka jylla, cha kiwi ki District kamjooh pynhapoh ka District man i iwa khang lait noh kitu kiwa da yoh bor wei lada emkaam jhan ye wow leh ya ka ‘EPASS’ naka website www.megedistrict.gov.in.
Da khang yei lai i wan wa khlemkaam. Kitu kiwa mih cha lait deiwa e daw deiwa thok, daw chah pynchitom ki katkam ka aiñ.
Ki kaam wa chah u leh:
20% ki dukan u chah u wai ki ha Iawmusiang, CNI Market, Yaw Chyiap (JPC Market) wa ha Iawthymme, Ladthadlaboh, Jowai deiwa pynbait ki Market Committee nadooh 9:00 waje i step hadooh 3:00 waje i janmiet.
Ha ka sngi Monday toh u wai du ki dukan wa em ya u Number 1 wa 4, ha ka Wednesday 2 wa 5 katwa ha ka Friday 3 wa 6.
Ki Market Committee toh u booh ki ya ki Volunteer wa ki wakreh wow pait wa deiñ Mask waroh wei da leh yei yajngai uwi ya uwi. Hap leh wow booh ya ki thaw sait-kti wa ka um wa kai ha ki thaw wa pynman yaw. Ym chah wow chongdai ha ki luti lai kjat. Lada em ki wym bood kyndon daw chah khang ki dukan hadooh ka yaw leh khlem da pyntip chwa.
20% ki dukan u chah u wai ki ha ki thaw chondai wa chipor wa da booh ha Yaw Seiñraij, Iawmusiang, Yaw Chyiap (JPC) Chutwakhu wa ha ka MTC Parking Lot, Iawmusiang nadooh 9:00 waje i step hadooh 3:00 waje i sngi.
Kiwa chongdai ha kini ki yaw wa chipor toh ha ka Monday kiwa yoh ya u Number 1 wa 4, ha ka Wednesday 2 wa 5 katwa ha ka Friday kiwa em ya u Number 3 wa 6.
Kini kiwa chongdai ha kini ki thaw wa da pynkhreh chipor, ka Market Committee/Town Vending Committee toh u pyntikna ki wa da bood ya ki kyndon yada na ka khlam wei ym toh wow chah u chongdai cha ki thaw wa em ha rood sarok lane ha ki luti lai kjat. Kiwa chongdai kiwa da chah jied, toh u kynjoh ktien ki cha ka Market Committee yow yoh ki yei thaw chongdai. U District Urban Planner-Cum-Secretary, Town Vending Committee daw phah ki yei pyrtuid kiwa chongdai cha ki Market Committee/Chief Executive Officer, Jowai Municipal Board.
I wai ki dukan dai marbaam (Retail Shop) kiwa em ha ki dong/chnong u wai ki deiwa bood thij ya ki kyndon wa booh da kiwa pynlai chnong/dong ha ka sngi Tuesday wa Friday nadooh 9:00 waje i step hadooh 3:00 waje i sngi ha ki thaw wym em pynman Containment.
Ki dukan (Wholesale) wa dai marbaam mardih wa emkaam wa em ha chnong Jowai, Mihmyntdu, Ialong wa Amlarem u wai ki ha ka sngi Monday wa Thursday nadooh 9:00 waje i step hadooh 3:00 waje i sngi. Ha Thadlaskein Block wa Laskein Block ha ka sngi Wednesday nadooh 9:00 waje i step hadooh 3:00 waje i sngi.
Ka yaw Lay By Market wa em ha Ialong u wai ko da ka Odd/Even Number nadooh Monday hadooh Friday nadooh 9:00 waje i step hadooh 3:00 waje i sngi heiwa u District Horticulture Officer wa ka Market Committee daw pynbait ki yei rukom wai ki dukan. Ki kari wa kit mar Wholesale ym chah wow psiah ki chapoh ka chnong Jowai.
I wai ki dukan Hardware, ki dukan dai pyrthap ha ki chnong wym em wa chah ktah ha u COVID-19 toh kiwa da chah u wai ha ka Monday wa Thursday nadooh 9:00 waje i step hadooh 3:00 waje i sngi.
Ki Hotel, ki dukan ja, ki dukan cha u krehkaam ki deiwa song baam donhi ym chah wow chong baam.
Ki kaam chna yung, chna sarok wa kiwi kiwi toh deiwa bood thij ya ki kyndon yada na u COVID-19.
Ki Bank, ki Post Office wa ki Telecommunication Service u krehkaam ki deiwa pynduna bru wakreh.
Ki Courier Service toh kiwa chah u leh deiwa bood ya ki kyndon.
Ki yung krehkaam sorkar jylla wa pyrdi u krehkaam ki katkam ki hukum wa da pynmih.
I wai ki dukan wa dai ya ki tiar ki tar wa yatoh wa ki kaam rep, ki sboh, ki symbe wa kiwi kiwi toh iwa da chah wow wai ha ka sngi Monday wa Thursday nadooh 9:00 waje i step hadooh 3:00 waje i sngi deiwa yoh bor chwa na u DC lane SDO, Amlarem katkam i emkaam.
Ki thaw wa leh Welding namo ki Steel Fabrication toh u wai ki katkaam i emkaam ha ka sngi Tuesday wa Friday nadooh 9:00 waje i step hadooh 3:00 waje i sngi deiwa yoh bor na u DC lane na u SDO, Amlarem.
Ki karkhana chna kari, kiwa dai tiar kari u chah u wai ki katkam wa emkaam deiwa yoh bor na u DC lane u SDO, Amlarem.
Ki kaam rep wa kyntup ya u kwai wa u pathi wa ki kreh MGNREGA toh kiwa da chah ha ki thaw palatsor ki wym em kiwa chah ktah ha u COVID-19.
Chah hi leh ya ki kaam ri mrad wei wow pynbiang ya ki baam mrad.
Ka DRDA waka C&RD Block toh u krehkaam ko deiwa pynduna bru wakreh.
Da chah wow mih kamai 20% ki kari kamai deiwa kitbru ¼ na iwa hoi nadooh 9:00 waje i step hadooh 3:00 waje i sngi deiwa bood ya i ini ha wah:
Ha ka sngi Monday u chah du ya ki kari wa em ya u Number 0 wa u 1.
Ha ka sngi Tuesday u chah du ya ki kari wa em em ya u Number 2 wa u 3.
Ha ka sngi Wednesday u chah du ya ki kari wa em em ya u Number 4 wa u 5.
Ha ka sngi Thursday u chah du ya ki kari wa em em ya u Number 6 wa u 7.
Ha ka sngi Friday u chah du ya ki kari wa em em ya u Number 8 wa u 9.
Lait na kini ki kari, ki kari ki bru samen ym chah wow lai wow mih ki cha sarok lait noh kitu kiwa em ya ka ePass wa e da u Deputy Commissioner.
Kiwa lai khlem da toh i kaam wa emkaam wei kiwa thok yei kaam wa lai ki daw chah pynchitom ki katkam ka aiñ.
I khayi khappood lynba ka Tamabil ICP toh iwa da chah heiwa u SDO(C) ka Amlarem daw pynbna u ya ka tarik, i por wa ki kyndon.
Kiwi ki kaam wa da chah ini wa dep u pteiñ hi ki kamwa jooh hi wa kynthup ya ki kaam lai phah sumaar, ki kaam sorkar, i lai e tika, ka JHADC deiwa pynduna bru wakreh kamjooh ya ka DRDC waka D&RD Block.
