Da em kiwa chim Contract yow pynchna ya u NH-6 tangwa ym yoo won yei kreh

Kiwa yahkhmat ka KSU East Jaiñtia Hills District Unit da lai yachem ki ya u Deputy Commissioner ka East Jaiñtia Hills District hajrong u sarok NH-6 uwa da sih cha wa palatpood wei i laphooh katni toh iwa da yoo chyrkhei iwa da ktah yei chait i khiah ki khynnah skur, ki paidbah wa lai wa wan nadooh Tuber Chohchrieh, Khliehriat hadooh Malidor.

Neiliang yong u Deputy Commissioner da ong wa da em ki Company ki bru samen kiwa da chim Contract yow siang rong biang ya u sarok wei ka wi toh na Malidor hadooh Sonapyrdi wei ka wi na Sonapyrdi hadooh Khliehriat.

Ka seiñ won da phylla ko wa hadooh katni ym pu yoo ya kitæ ki Contractor wa sdang ki wow kreh ya u sarok NH-6. Kamtæ seiñ da beiñ joor ko yei wym bna ka sorkar MDA-II wow pait yeini i eh ki paidbah hadooh katni leh kamjooh ya ka NHAI.

Ka seiñ da beiñ joor ko leh ya ki MLA kitæ u Kyrmen Shylla uwa man leh kam u Montri sorkar wa ya ka Santa Mary Shylla kawa em ha ka sorkar hajrong wym ye ki wow pynbor ya ka sorkar wow pait yei bha i miat wa i chait i khiah ki paidbah ka Constituency yong ki wa ka District hi waroh kawi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong leh wa da yoo wyrai u pait ya ki dukan dai baam wa hap khang lut ki neidaw wa i laphooh da psiah i chadooh u kchu-ja wot chadooh ki kamra wa thiah ki khonboo wei ini pynyoo ko wym hoi kiwa mihkhmat kiwa joor du hei baam tooh.

Kamtæ da kylli na ki paidbah wa iyi u jubab ki yeini wa chah lehbeiñ ki deiwa pynkynmoo leh ya ka sorkar wa ki paidbah dang im ki wei kopsar ka sorkar kwah ko dei yakhih yow pai ki chkoor ko.