Ynne ka sngi uwa chong chnong ka Ladrymbai Khliehdupon, da kyntu u ya u Dolloi ka Elaka Rymbai, East Jaiñtia Hills wow chimkhia neibynta ki kaam hapoh ka chnong heiwa ympu ye wow thung ya u waheh chnong la kamwa chibnai tam kattu.
Uwi na kiwa chong chnong, u Kyrshan Blah da ong u wa ki paidbah da chem chitom bha ki heiyatoh wa ki kot ki sla du neidaw wym em waheh chnong wei ini da wanrah i yei sahteiñ ya ki kaam yong ki.
Da kylli u leh wa neiyi i daw wym khut ka Dorbar Chnong wow jied wei wow thung Waheh Chnong neibhah wa ki paidbah emkaam bha ki ya oo ym du ha ki kaam samen tangwa wot ha ki kaam imlang sahlang leh kamjooh.
Hajrong ini da kyrpaad ya u Dolloi wow chimkhia yeini heiwa ki paidbah ym kwah de ki dei rah kti tangwa u thap noh da ka Vote lyngba ka Secret Ballot.
