Ka Deputy Commissioner, East Khasi Hills District da pyntip ko wa daw pynman ya ki Mega Camp ha ki Polling Station ka 13-Mawryngkneng wa 24-Mawphlang Assembly Constituency ha ka 14 wa 15 tarik uni u bnai yow pynman yei e tika COVID-19, i thap pyrtuid ya kiwa khih mylla hapoh ka e-Shram, i chondur Aadhaar wei wow pynyabi ya u Aadhaar wa ki Card Rachon.
Kini ki Camp toh ki wow pynman kamwa pynman Election ha waroh ki Polling Station kini ki ar Constituency, kamtæ da kyntu ya waroh wow chim kabu ya ini wow chim yei tika deiwa lai cha ki Polling Station wa em chajan dooh khamtam katni wa da em u jait Omicron wa da pynbna leh da ka World Health Organisation kam uwa hap u khuslai bha.
Neiliang ka DC da ong ko wa i tika toh ka stieh wow yada ya idæ wa kiwa hayung hasem yow lait nei chitom, i thiah Hospital wa i yap.
Kamtæ da pynchlur ya waroh wow chim kabu ya ini ha ki jar jiar ki Polling Station kini ki ar Constituency.
