Shillong: Kiwa pathai khubor ka jylla hapoh ka lama yong ka Shillong Press Club (SPC), ynne ka sngi da mih paidbah ki wow pynman ya ka lai kjat kawa jai-jai kawa khlem em i kbai kam ka dak wow beiñ yei chah pakhot Petrol Bomb i yung sah ka editor ka kot khubor ‘The Shillong Times’, ka Patricia Mukhim ha ka miet 17 tarik.
Ha kani ka lai paidbah kiwa pathai khubor da rah ki leh ya ki Placard wa da thoh ya ki ktien beiñ ya ki damok, wa i e mynsien ya ka Patricia Mukhim.
Ha kani ka lai paidbah da yahkhmat da u David Laitphlang, President ka SPC hei emlang ki wa pathai khubor wa ki rangbah ka jylla. Da synraan lang ha kani ka sngi da u President ka ICARE, u Toki Blah, u HH Mohrmen wa ki kattu katni ngut ki bru paidbah wa ka seiñ kiwa dai khubor.
Ka lai kjat da sdang ko nadooh na yungkrehkaam ka SPC cha Barik ter ter cha IGP wei da uiñ na sarok Kasari (DC) Lachumiere wei da pynkut biang ha SPC.
Neiliang President ka SPC da ong u wa kani ka lai kjat toh wow kyntu ya ki bor sorkar wow pynsmat ya ka takit khnang wow yoh kem ya kiwa emkti wei wow pynyoo cha ka pyrthai ya i tylli kiwa pathai khubor hapyrdi i eh i khoo wa yachem kiwa pathai khubor ha ki kaam wa kreh ki.
Da ong u wa i pyntieñ ki bru wa tieñslah ym pynran dien ko ya kiwa pathai khubor wow kreh ki yei kaam yong ki wei wow e chakri wa bha tam cha ka imlang sahlang.
Da ong u leh wa kiwa thoh khubor hadooh katni ki e ki ka chakri kawa bha wei daw e chooh chooh ka chakri kawa sam bha hanlada em kiwa pyntieñ leh.
Neiliang ka Patricia Mukhim da pynsñiaw ko yei kmen neidaw wa ki para wa pathai khubor da emlang ki wa ka ha kam kini ki por wei da ong ko leh lada em ki wym sñiawsuk yeiwa thoh namo lada em i kynthah ya kiwon kiwon em boon ki luti wow pynsñiaw wow pynbait ymtoh da ka luti wow leh dei bor wow pyntieñ ya kiwon kiwon.
Da kyntu ko leh ya ki para wa thoh khubor wow kreh hok ki khlem tieñ wow khana yeiwa sakhiat wei wow kreh yei hok neibhah kani toh ka yurim kam kiwa thoh khubor.
Discussion about this post