Jowai: Chibynta wow ksohkti wa ka pyrthai waorh kawi, ka Wellington Jungai Memorial Secondary School Ratacherra, ynnin ka sngi da pynman ko ya ka yalang wow pynche paidbah wow kynmoo u burom ya ya ka sngi wa tip kam ka ‘World no tobacco Day’ ynnin ka sngi.
Ya ka yalang da pynlai da u Waheh Chnong, u Khamsngur Pohïing ha Community Hall ka Chnong Ratacherra, East Jaiñtia Hills District hei emlang u Dr. B. Sumer In-charge Umkiang CHC, u Rev. Diwanker Dhar wa ki paidbah ka chnong, ki khynnah wa kiwa sikai skur.
U Dr. B Sumer hawa e i klam da kyntu u ya ki khynnah wow kiar nei pynemkaam duma neibhah baam u ya i doh i pran u bru.
Da pynchlur u leh ya ki khynnah wow nood ki u klam pyrchah ya i dih duma ha ki thaw paidbah wei wow sdang chwa pyn naki hi yei sih wa mih na u duma kamjooh leh wow sdang ki na yung yong ki.
Hadien ka yalang ki khynnah katai ka skur ryngkat ki kattu katni ngut ki paidbah da chimbynta ki wow lai paidbah kylleiñ ki dong ki chnat ka chnong deiwa rah ya ki kot rben wa thoh ya ki kyntien wow sangeh noh u dih næ baam duma.
Discussion about this post