U Jokin Kurkalang (50 snem) uwa na Mawkriah, Mawphlang wa u Khlainbor Pale (57 snem) uwa na Umkei, Umsning Ri-Bhoi District da chah pynkup burom ki da ki Certificate, ki Memento deilang waka song poisa kam chibynta wow tipmit yei kaam wa da leh ki hei psan dakha ha ka yalang lehkmen ya ka National Fish Farmers Day 2024 kada wa pynman ha ka 10 tarik uni u bnai ha Directorate of Coldwater Fisheries Research, Bhimtal, Uttarakhand wa ha College of Fisheries, CAU (I), Tripura.
U Jokin Kurkalang da yoh u ya ka khusnaam “Progressive Fish Farmer Award” kam uwa psan dakha na Meghalaya deilang wa san ngut kiwi ha ka yalang wa pynman da ka Directorate of Coldwater Fisheries Research, Bhimtal, Uttarakhand.
U Jokin deiwa yarap ka Blue Revolution Scheme, da bood u yei psan dakha iwa tip kam ka Scientific Fish Farming ha ka nan u kawa heh 1 Hectare wei ha ki san snem wa da lai da ye u wow pynmih 3,000 kilo ki dakha ha ka chi snem wei da pynman u ya ka thaw psan dakha u kam ka Aqua Park deiwa em leh ki thaw chong lieñ wa kiwi de ki kaam pynwyrngia.
U Khlainbor Pale won da yoh u ya ka khusnaam “Best Fish Farmer” na Meghalaya deilang wa kiwi de na kiwi ki jylla ka North East ha ka yalang wa da pynman ha College of Fisheries, CAU (I), Tripura deiwa ya krehlang waka North East Society for Fisheries and Aquaculture (NESFA), India.
U Khlainbor toh uwa da pynyoo yei sap psan dakha nadooh u snem 2019 wei deiwa yarap ka Blue Revolution Scheme kamjooh da iwa dadep pynlut chwa u, da ye wow pynkylla yei rukom e baam ya ki dakha wei da ye u wow pynmih dakha 2,600 kilo ha u 2022, neitæ 2,800 kilo ha u 2023 wa 2,400 kilo ha u 2024 wei da ye u leh wow jop ya kiwa boon ki moochynthut ha Meghalaya khamtam i rukom man ka suiñ bneiñ.
Discussion about this post