Sohra: Hajrong ka thong wow pyndap yei emkaam ya ki baam wa tei neibynta ki khynnah wei wow pynchlur wow baam ya ki jhoor wa ki soh ha ki manyung ki chnong palat sor da pynman ya ka Nutri or Kitchen Garden Project.
Ya kani ka project da pynman da ka yung krehkaam ka Child Development Project Officer (CDPO), Shella Bholganj ICDS Project chirup wa ka St. John’s Orphanage Sohra wa ka Borsing Syiem Children’s Home, Mawsmai.
I thong yong kani ka project toh wow pynchlur wow baam ya ki jait baam kiwa ha rukom kiwa tei yei doh i pran ki bru khamtam wow baam ya ki jhoor wa ki soh kiwa mih pyn hapoh ka jylla.
Kani leh man ko kam wow pynkut ya ka lehwaron Rashtriya Poshan Maah (National Nutrition Month) ya kawa da jooh lehwarom man u Naikhynde wow pyntikna wa baam ki bru ya ki jait baam wa tei wei kiwa yarap ha i chait i khiah khamtam neibynta ki khynnah wa ki manbei wei kamjooh leh wow pynchlur ya ki bor chnong wow embynta ki hajrong ini.
