Jowai : Ka Loompyrdi, Iongpiah ynne ka sngi kam chibynta ka lehkmen “Week Celebration” da pynman ko da ka yakop siat suloi wa siat pistol ha Yungwalieh yong ka.
Hachwa wow sdang u Waheh Chnong yong ka uwa man leh u President ka West Jaiñtia Shooting Association (WJSA) u ma A.N. Niangti, da ong u wa kani ka yakop toh wow thooh ya ki bru kiwa em sap ha kani ka jait yalehke.
Chooh da ong u wa kani ka jait yalehke ym toh ka wow lehke danda næ wow siat mrad wei katni kani ka jait yalehke da ku bha ko ha ka jylla wa ha ka ri waroh kawi.
Ha kani ka yakop da em ka siat suloi næ ka Air Rifle heiwa da booh ya ka thong (target) hei jngai kamwa 15 meter wa ka siat Air pistol heiwa da booh ya ka thong hei jngai wa 10 meter.
Ha ka siat suloi da chah u siat san kuli samen hapoh 3 minit samen katwa ya ki khynnah won da chah u siat san kuli samen deiwa yinsur yei por wow siat ki katwa ha ka siat pistol won da e du le kuli samen.
Ha kani ka yakop da em 34 ngut ki waheh (Chynrang) ha ka siat suloi wa 8 ngut ki khynnah.
Ya kani ka yakop siat suloi siat pistol daw pynkut ya ka mynstep.
Discussion about this post