Khliehriat : Ka East Jaiñtia National Council (EJNC) – Middle East Unit, da pynsñiaw ko ya i sñiawngooh wa khroo ya ka Dorbar Chnong Jaliyah, East Jaiñtia Hills khamtam ya u Waheh Chnong u Harwai Phawa kiwa da krehchitom yow yoh u kem ya u Jaitre Phawa uwa emkti hei slaitbor wei wow tynyap dusmon ya ka Fatima Dkhar.
Ka EJNC-MEU da kyntu ko leh ya ki bor ka Aiñ yow pynman ki ya ka takit wa bniah yow chemdien ya i tre ha ini i jia iwa da booh ya ka imlang sahlang khamtam ki khynnah kynthai wa ki manbei ha i tieñ wow lai cha wah cha neiñ kamtæ ya u Jaitre ka yungbichaar leh ym toh u e jamin ko ya oo.
Ka seiñ leh da rai ko wow pynman da i thang mombati ha ka janmiet ka 23 tarik uni u bnai nadooh 5 waje hei thaw tlep ya ka Fatima kam ka dak sah kynmoo ya kani ka manbei kamjooh yow pyrchah yei kyrni ki kaam pyrchah ya ki kynthai wei daw pynman leh ya ka yalang wa tbian.
Ka EJNC da khut lang ko ya ki paidbah wow emlang ki ha ka tai ka janmiet yow pynyoo yei pyrchah yong ki ya ki kaam pyrchah ya ki kynthai hapoh ka jylla wa dang roi katwa mih ki sngi.
Also Read: Chah kem uwi u bru uwa emkti wow tynyap ya ka Fatima
Discussion about this post