Jowai: Kamwa jooh man khlieh snem ka miet yong ka 31 Kmaichonglad, man ko ka miet kawa kyrpang yong ki bru ym du ha Jowai tangwa ha kylleiñ ka pyrthai neibhah man ko ka miet wow e khublei ya u snem warim wei wow pdiang noh ya u snem thymme.
Ynnin i miet da yoh u sakhi ya kiwa boon ki lehkmen ha kylleiñ ki dong wa ki dorbar chnong ha Jowai.
Em ki dorbar chnong kiwa da pynman da ka Bonfire næ ka thang diñ yonglang kam wow pynlut yei por chwa wow pdiang ya u snem thymme dei yooluti wow man u uwa miat uwa yoh i roi i paar i chait i khiah.
Ha ki dorbar wa boon da yoh u sakhi ya kiwa rwai wa siaw ki chaad wa ha rukom na ki khynnah hadooh waheh.
Kam wa sakhi da em ka yalang ha Ladthadlaboh heiwa da yoh i klam na u waheh ka chnong uwa u kyntu ya ki dkhot ka chnong wow man ki kiwa yatylli khamtam kattu da jan poi ka Election heiwa da ah leh ya u Cake kut snem.
Ha kiwi won ki dong da yoh u sakhi ya ki chaad wa ki rwai wa da pynkhreh da ki khynnah wa ki khynroo khyllood.
Discussion about this post