Ynne ka sngi kawa man ka sngi lehkmen Republic Day ha waroh kawi ka ri, ha chnong Shangpung, West Jaiñtia Hills da man ko kawa rap kyrpan heiwa ka Hula Mynchong da e ko da i thaw wa heh hadooh 3 Acre cha ka Synjuk Ki Dorbar Chnong Shangpung neibynta wow pynemkam wow noh jhep.
Neiliang ka Synjuk da e khublei ko ya waroh ki dkhot yong ka Hula Mynchong khamtam ya u Chairman yong ka, u Damehi Suchiang wa u Secretary u Monjur Niang.
Ha kani ka sngi u Chairman yong ka Hula Mynchong da ong u wa i e sñiawbha ya ini i thaw toh wow pynemkaam wei wymhoi u noh klumar ya ki jhep wow lait nei jakhlia.
Neiliang u President yong ka Synjuk ki Dorbar Chnong Shangpung, u Nidaioo Papang leh da pynsñiaw u wow paan yarap wow pynbha pynmiat ya kani ka thaw katkam ka juk stat Science wa katni na u MLA ka thaaiñ, u Comingone Ymbon.
