Ka Sarot I Man, ka seiñ yong ki 11 ngut chilok, ynne ka sngi da pynemwarom ko ya ka World Environment Day namo ka Sngi Yada Rymaw deiwa thung ya ki tre dieñ ha Kiang Nangbah Memorial Park, Madan Syntu Ksiar, Panaliar Jowai.
Chwa wow sdang thung dieñ da em ka yalang tbian wa pynlai da u Mariabud Paswet, dkhot ka seiñ.
Da yoh ya i klam na uwi na ki dkhot wa phah ka Jaiñtia Iasiat Khnam Memorial Society, kawa man leh ka tre thaw. Ya ki kyntien ngoohblai da e da u Shape Pasweth katwa ya i kyntien e khublei da e da u Phrang Sngi Challam.
U Aziz War, dkhot ka seiñ, hei klam yong oo, da ong u wa ka talawiar soodong yong i waroh toh kawa emkaam bha u ya sumaar i, deiwa u pyn yirngam i ka na ki por cha ki por. I chynna jngai ki waheh warim wow booh ya kani ka sngi kam ka World Environment Day toh yoh u ye u pynkhai im biang ya i rong yirngam, u yoh ka la-ær pyngngaad wa ki um wa bang u dih. Kyntu u ya waroh kiwa najan najngai wow ksoh u kune yei miat yoosuk ka rymaw, lym kamtæ, daw poi i por ya i wow ong, “Ka um ha radang han u dih an tæ ym yoh”.
U Mariabud hachwa wow wai u ya ka yalang, da kyntu joor u ya uwi pa uwi u dkhot, wow kitkhia u sumaar ya ki tre dieñ, ymtoh dep u thung tæ ieh cheitu, ham yooluti wow heh wow san ki.
