Da i thung dieñ pynman ka Rymbai Government Secondary School wow yada ya ka Rym-aw

Jowai: Ka Rymbai Government Secondary School hadien wa da dep ko u lehwarom ya ka World Environment Day ha u Naiynru yong uni u snem deiwa pynman ko ya ka Drawing & Essay Writing Competition hajrong ka phang wow pynneh pynsah ya i yoosuk ka Rym-aw.

Ynne ka sngi won ha i yah khmat ka Headmistress ka skur, ka P. L. Nonglait da pynman ya ka thung dieñ ha waroh i pchem ka skur da kiwa sikai wa ki khynnah skur.

Ya ki tre dieñ da e sñiawbha da ka yungkrehkaam ka Basin Development Unit, East Jaiñtia Hills District.

Chwa wow thung ya ki dieñ ka heh yong ka skur da kyntu ko ya waroh ki khynnah skur wa kiwa sikai watoh u tip ki kammon u burom ya iyi wayoh i na ka Rym-aw, kawa psa wa pyndap ya waroh kiwa im, kamtæ kyntu ko ya uwi pa kawi toh u sumaar bha ki ya ki tredieñ wa dadep thung ki, da e haroh ki kyntien kyntu kynpham hajrong ini da u O. Sumer wa u R. Rq. Laloo kiwa man kiwa sikai wa da rap slem ha ka skur.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024