Mukhap: Ka Seiñraij L.P. School SSA, Mukhap wa em ha Laskein Block ha kani ka sngi Musiang ka 5 tarik kam chibynta ka World Environment Day Celebration 2017 wa ka Swachh Bharat-Swachh Vidyalaya Programme hei yahkhmat ki dkhot ka School Managing Committee da pynman ki ya ka prokram wa kyrpang kawa kynthup ya ka yakop dro hapyrdi ki khynnah skur hajrong ka phang wa ong “Preserve & Protect Environment”, ka Awareness Programme, ka Cleaning Drive wa i thung ya ki dieñ ha chakiar yong ka skur.
U Darmiki hei e ya ki kyntien yahkhmat hapyrdi ki khynnh skur hajrong ka thong yong kani ka sngi da ong u wa man iyi iyi iwa emkaam wa kam ki bru, ki wa chong chnong wow tip, u sniawthooh i u kheiñkor yei man kyrpang ka Bei Rymaw ha waroh ki liang neibhah i tæ i daw ki ri ka pyrthai chim ki wow pynman ya kani ka World Environment Day ha kylleiñ ha ki dur ki rukom waphær waphær.
Nalor u Darmiki kiwi tawon kiwa da e i klam i batai hajrong ka thong yong kani ka sngi toh u Waheh Chnong u Niawbeit Ymbon wa u S.D. Laloo na ka ophis krehkaam yong ka Sarva Shiksha Abhiyan, West Jaiñtia Hills District uwa da e i klam i batai pynche ya ki khynnah skur wa kiwa sikai chaphang ka thong yong ka Swachh Bharat-Swachh Vidyalaya.
Nalor i klam i kappe wow riñ chooh chooh yei pyrkhat pyrdaiñ ki khynnah skur ha ka luti wow man ki ki bru kiwa kitkhia yei kaamram wei em i kitkhlieh yei khooid i pliah ha waroh ki liang da pynman leh i chim soskular ki khynnah skur kat kam ki kyntien wa da thoh ha ka Swachh Bharat Pledge.
Discussion about this post