Ka Seiñ Khynrow Dong Iaw Pyngkat Mynso-B kawa man ka seiñ ki khynroo khyllood hapoh ka chnong Mynso da yoh ko u wai ya i yung iwa da chna pynthymme ki ya kawi ka manyung wa duna i yoh i kot hapoh ka chnong.
Yow chna ya ini i yung da pynlut da ka Seiñ Khynrow Dong Iaw Pyngkat Mynso-B hi heiwa ini ka yung toh kawa neibynta ki 7 ngut waroh chi yung.
Hachwa u wai ya ini i yung da em i yalang wa tbian wa pynlai da u khynroo Shembha Lamare deiwa emlang leh wa ki waheh wasian ka chnong Mynso nadooh u Waheh Chnong, u Sardonyx Lyngdoh, u Washington Shylla, ka Rispian Syntem, u Arness Syntem wa u Tbn D. Khyriem.
U Shembha Lamare da ong u wa ki khynroo da chim ki ya kani ka bynta u yarap ya kiwa duna i yoh i kot, ki khonswet deiwa pynrap wa da toh i por u yatylli yow yaleh pyrchah yei Drugs iwa man iwa choon ya ki khynroo.
Ya u Ribbon da ah da u Koni Myrchiang uwa man u pa kani ka manyung ha kani ka yalang wa pynman ynnin ka sngi.
Discussion about this post