Ka Mawlai SC da jan rah ko ya ka Shillong Premier League 2024 hadien wa jop ko ya ka Nongthymmai SC da 6-1 ynnin ha ka yalehke wa da pynman ha SSA Stadium, First Ground, Polo, Shillong.
U Pynshailang Kharduid (12’) da yoh u wow thap nyngkong ya ka Nongthymmai tangwa hadien 15 minit, ka Mawlai da yoh ko wow su kylliang lyngba u Donlad Diengdoh (27’) wei da pynbood sa u Robertson Khongriah (34’), u Banskhemlang Mawlong (51’), u Baiaikara Swer (76’) wa u Romarius Laban (86’, 87’).
Da ini i jop, ka Mawlai da yoh ko 44 Point iwa tam da 5 Point ya ka Shillong Lajong FC kawa em hei wa ar, wei waroh arliang daw yaleh ki sa mar arsien deiwa yachem ki para ki chisien.
Ka Mawlai daw yachem ko waka Laitkor SC ha kani ka 4 tarik wei lada jop ko, daw jop syndon ko ya ka Shillong Premiere League le sien ban ban.
Ka yalehke mynstep u pynman hapyrdi ka Nangkiew Irat SC pyrchah ya ka Ryntih FC heipor 3:00 waje i sngi.
Discussion about this post