Ka Senior Men’s Selection Committee ka Meghalaya Cricket Association da pynbna ko yei pyrtuid ki 15 ngut kiwa yalehke wa 5 ngut kiwa pynyang yow chimbynta ha ki ar tylli ki yalehke nyngkong ka Ranji Trophy 2025-26 BCCI Domestic Cricket Season.
Uwa Bat wa bna naam ka jylla, u Kishan Lyngdoh daw yahkhmat biang u ya kani ka liang sa chisien kam u Captain deiwa jied ya u Fast Bowler, u Akash Kumar Chaudhary kam u Vice-Captain wa ya u Moisten Ch Marak kam u Head Coach.
Ya u Ajay Duhan da ksoh biang oo kam u Guest Professional Players deiwa wanrah thymme da u Rahul Dalal uwa na Haryana wei da yalehke u ya ka Arunachal Pradesh hadooh u 2023-24.
Ka Meghalaya ha kani ka kynti da em ko ha ka jooh ka Plate Group deilang ka Bihar, Arunachal, Sikkim, Manipur wa Mizoram. Ka Meghalaya daw yachem ko wa ka Mizoram ha ka 15 tarik u October wei ha ka yalehke wa ar daw yachem wa ka Sikkim ka wow sdang nadooh ka 25 tarik kiwa daw pynman waroh ar tylli ha Shillong.
Kiwa yalehke ka Meghalaya: Aaron AR Nongrum, Akash Chaudhary (VC), Arien B Sangma (WK), Arpit Bhatewara (WK), Aryan Borah, Bamanbha Shangpliang, Bijon Dey, Chengkam Sangma, Dippu Sangma, Jaskirat Singh Sachdeva, Kishan Lyngdoh (C), Kush Agarwal, Swastic Chettri, Ajay Duhan (BCCI-approved guest player), Rahul Dalal (BCCI-approved guest player)
Standbys: Abhishek Kumar, Arbin Singh, Agreas Chamcham A Sangma, Yogesh Tiwari, Tarique Siddique
Support staff: Moisten Ch Marak (Head Coach), Pyntngen Mark A Swer (Assistant Coach), Surojit Biswas (Physio), Vikash Singh Chauhan (Trainer), Banteibor Lyngdoh (Manager)
Discussion about this post