Da jied thymme ya u waheh chnong ka Dorbar Chnong Mukhla Mission

Ka Dorbar Chnong Mukhla Mission ynne da pynman ko ya ka yalang paidbah ha yung Dorbar Hall ka chnong deiwa sakhi u Pa Dalloi ka Elaka Nangbah, u R.M. Garod hadien wa kut noh ka samoi krehkaam u waheh chnong warim u Esbison Bang uwa da rai wym yaleh waheh chnong kattæ.

Kamtæ da em du u La-ardawanki Ryngkhlem heiwa ki paidbah da pynsñiaw ki yei sur yong ki wa mynjur ki ya oo wow man kam u waheh chnong thymme neibynta ka 3 snem.

Ha kani hi ka sngi da jied thymme leh ya u General Secretary chnong da u Felixson Bang katwa ya u Chairman chnong da jied da u Pynhun Rymbai.