Shillong: Ka Deputy Commissioner, East Khasi Hills District haka hukum wa pynmih haka 15th August, 2020 da pyntip wa da jied 1245 tylli ki dukan ha Iewduh ki wow wai 3 sngi chi tayaw heiwa 623 tylli ki dukan u wai ki haka chi sngi nadooh 8:00 AM hadooh 6:00 PM deiwa bood thij yeiwa da pynbait u Syiem ka Hima Mylliem.
Ki dukan leh hap ki wow bood thij ya ki kyndon Standard Operating Procedures yong ka sorkar kiwa pynmih daka Health and Family Welfare Department khlem pep.
U Syiem ka Hima Mylliem toh u pyntikna u wa ki tre dukan u bood ki yaki kyndon wa pynmih daka sorkar khamtam wow leh ya ka Social Distancing.
Kiwa chongdai dukan kamjooh kiwa wan thied hap ki wow yanjngai 6 phut, ym toh wow ya khynnia ki du ha iwi i dukan lane i thaw, hap ki wow deiñ ya ki Mask khlem pep, wei lada ym bood ya ini, daw hap khang ya i dukan. Da khang leh wow mynthu ha ki thaw paidbah wei hap wow tymmoh yei khmut i ktien hawa ka’oh wa synrieh.
Toh u man kiwa lehkhooid khamtam yaki kti. Hap wow booh yaki Hand Sanitizer da ki tre dukan ha ki thaw psiah wa ki thaw mih ki dukan, hap leh wow sait yaki dukan dei langær wei wow ya krehlang wa iwa da pynbait da u Syiem ka Hima Mylliem kamjooh ki District Police.
Ya kiwa leh pyrchah daw pynchitom ya ki katkam ka aiñ wei daw khang leh ya ki dukan.
