Ka Dorbar Chnong Pasyih ha ka 18 tarik uni u bnai da yoh ko wow jied ya u waheh chnong wa thymme neibynta ka samoi krehkaam 2023-26.
Ya ini i jied ya u waheh chnong thymme da pynlai da u Dolloi ka Elaka Shangpung u C. Langbang.
Ha ini i jied waheh chnong da jied ia u Lakhon Dkhar kam u waheh chnong wa thymme ka Pasyih katwa yei kaam secretary chnong da chah jied biang ya u Kyrshanmiki Siangshai uwa man kam u secretary warim ka chnong.
U Lakhon Dkhar toh u wa jooh ksoh leh kam u Finance Secretary waim ka chnong la 2 sieñ khlem sangeh.
Neiliang u waheh chnong thymme ka chnong da ei khublei kyrpang u ya ki paidbah wa chong chnong waroh kiwa da yoo biang ya oo wow man kam u waheh chnong thymme ka chnong, heijooh i por leh da e khublei u leh ya u Dolloi ka Elaka Shangpung uwa da pynlai bait pynlai ryntih ya ini i jied waheh chnong hapoh ka chnong.
