Ka seiñ KSU-Larnai Unit da e ko ya ka 1st Maitshaphrang Excellence Award cha ki khynnah skur wa leh bha ha ka SSLC yong uni u snem ha ka 23 tarik uni u bnai.
Ya ka yalang pynkup burom da pyllai da u Education Secretary ka KSU Jowai Circle, u Conard Sana.
Da yoh ya i klam na u Lovingson Shadap President K S.U. Larnai Unit, u Ioanis Suchiang President K.S.U Jowai Circle, wa kiwi kiwi.
U kongsan ha kani ka sngi toh u Ohibait Dkhar, Executive Member Central Executive Council.
Ya kani ka Award da saam kam ka dak wow pynchlur ya ki khynnah wow pteiñ ki wow leh bha ha i puræ yong ki.
