Jowai: U MDC ka 12 Barato Mukroh Constituency, u Aiborlang Shadap ynne ka sngi da ekti u ya ka Ambulance (Bolero Bs4 Plus) lyngba ka MDC Scheme cha ki paidbah ka Constituency ka wow chakri ya ki 5 tylli ki chnong kiwa haap hapoh yong ka.
Ya kani ka kari kit wa kjut da ekti ha ka yalang wa tbian ya kawa da pynlai da u Chairman ka chnong Barato ryngkat i emlang u MDC ka Sahsniang u Habahun Dkhar kam u kongsan hei emlang ki waheh chnong yong kini ki san tylli ki chnong.
Kini ki 5 chnong kynthup ki ya ka Barato kam ka Headquarter, Mukroh, Saba, Maitdein wa Iongkynshur.
Kiwa klam ha ka yalang da yaroh ki ya u Aiborlang Shadap uwa da e yarap da kani ka kari wow chakri ya ki paidbah ka thaaiñ.
Ya ka yalang ynne ka sngi da pynphooh da ki chaad na ki khynnah ka Barato Dong C.
Neiliang u Aiborlang ha ki sngi wa dadep da e yarap u leh cha ka Barato Parish hadooh T. 10 lak neibynta wow chna ya ka yung skur ka Balang wa kamjooh leh ya ka Persara LP School hadooh T. 10 lak neibynta u chna ya ka yung skur wei kani ka poisa da e lyngba ka MDC Scheme.
Discussion about this post