Ha ka 24 tarik uni u bnai, ka seiñ Orphan Children Foundation (OFC) Jaiñtia Hills hapoh i yahkhmat u Founder Chairman, u L. Dkhar da yarap sñiawbha ki da ka bai skur kawa 3 bnai wa ki marbaam cha ki khynnah khonswet wa kiwa em i duna ha i doh i pran namo kiwa man kyrpang kiwa em hapoh ka chnong Priang, West Jaiñtia Hills.
Ha kani ka sngi da pynlai ya ka yalang kawa khian da ka M. Bareh, Office Secretary Orphan Children Foundation West Jaiñtia Hills wei da yoh leh i klam tbian na u waheh chnong ka Priang, u K. Chulet uwa da yaroh wei e khublei ya kiwa yahkhmat kani ka Orphan Children Foundation kawa da ye wow poi hapoh ka chnong wow e yarap ya kini ki khynnah wa emkaam sakhiat yei yarap.
Da yoh leh yei klam na u L. Dkhar uwa da ong wa ka Orphan Children Foundation da ye ko wow krehkaam ha waroh ki bynta yong ka Ri-loom Jaiñtia khamtam cha ki thaaiñ palatsor wei da ong u leh wa ka thong kawa hakhmat dooh yong ka Foundation toh wow kreh chitom ya ki khynnah lada man ki khynnah khonswet, ki khon kiwa mahajon wa ki khon kiwa dooh wa duk wa toh u yoh ki yei maya kam kiwi ki khynnah yoh ki wei ymtoh wow leh chiliang ya ki wei da e mynsien u leh ya ki wa hanla ym em bei em pa ki wei duna ki hei bor i doh i pran tangwa toh u minot ki ha ka puræ puthi khnang wow poi chakhmat kam kiwi ki khynnah wei da kyntu u leh ya u waheh chnong wow sñiawbha ki wow krehlang wa ka Foundation yow nang ye u pteiñ yei yarap.
Ha kani ka sngi da yoh leh wow ya yarap ya ki khonswet wa kiwa duna hei doh i pran ha ka chnong Iooksi Umdienglin wei ha kani ka sngi da ya emlang ki Volunteer yong ka Orphan Children Foundation West Jaiñtia Hills kitæ u D. Bareh wa ka M. Lyngdoh.
Discussion about this post