Da ka Baleno deilang wa kiwi de u pynkhle ka Dorbar Chnong Sabahmuswang | Ka Housie wa palat Rs. 4 lak

Ka Dorbar Chnong Sabahmuswang ynnin ka sngi da pynlait paidbah ko ya Ticket khle nasib namo ka Lucky Draw yong ka Fete ka wow pynman ha ka 17-01-25 wa ka 18-01-25.

Ya ki Ticket da pynlait da u Charles Lamin uwa man kam u kongsan hei emlang ki dkhot yong ka Dorbar Chnong Sabahmuswang, wei ya ka yalang da pynlai da u Asst. Waheh Chnong, u Loveme Kyndait uwa man leh kam u Chairman yong ka Fete Committee wei da yoh leh i kyntien pdiang burom na u Secretary, u Headme Phawa.

Da yoh chooh chooh i klam na u Waheh Chnong, u Tellme Phawa uwa da pynche wa emkaam u pynman ya kani ka Fete toh wow pynmih wow chna ya ka Community Hall ka chnong wa kiwi ki kaam wa yatoh wa ka chnong.

U Tellme da ong u leh wa iwa khroo dooh lait na ka Community Hall toh wow yoh yarap poisa heiyatoh wa le tylli ki skur wa pait wa pynlai da ka chnong kiwa kynthup ya ka Ksohriti DC LP School, Sabahmuswang Upper Primary School wa ka Ynñiaw Thyndai Memorial LP School.

Related posts

Pynlait-im ki pulit ya 450 tylli ki khroh

April 21, 2025

Da pynkrehkaam ya ka Section 163 BNSS wow yada ya ka Wah Umiam

April 17, 2025

Da yoh leh i kyntien na u kongsan heiwa da e u i kyrkhu kyrdoh wa i kitbok kitrwiang ya ka Fete wa ya ka Lucky Draw kiwa da pynlait por yow man ki kiwa yoh nong yoh ni na kani ka Fete kat kamwa da pynkhreh da ka dorbar chnong.

Ya ki Prize wa i dor yong ka Ticket Lucky Draw toh Rs. 30 kawi heiwa ki Prize man ki kamni ha wah:

1st Prize: Baleno

2nd Prize: Scooty

3rd Prize: Rs. 50,000

Daw em leh ka Bumper Housie wa kiwi kiwi kiwa pynwyrngia ha ki sngi wa pynman ya ka Fete heiwa ki House wa kiwi man ki kamni ha wah:

Ha ka 17-01-2025

House: Rs. 1 lak

Ki Line: Rs. 5,000 kawi

Ha ka 18-01-2025

First House: Rs. 2 lak

Second House: Rs. 1 lak

Third House: Rs. 50,000