Ka yung krehkaam ka Deputy Commissioner, East Khasi Hills District, ynne i janmiet da pynman ko da ka Bike Rally kam chibynta wow leh burom wei wow pynyoo yei yatylli wa ki chipai ka ri kiwa em hakhmat wow e yei yada. Yeini da yahkhmat da ka R.M. Kurbah, Deputy Commissioner yow tipmit ya ki chipai kiwa da chakri khlem da sangeh.
Ya kani ka Rally da sdang na Golflink deiwa kweh lama u Shanborlang Warjri, Additional Deputy Commissioner wei da pynkut ka ha State Central Library, Shillong.
Ka DC hawa e yei klam hei thaw pynkut, da ong ko wa ini toh yow man kam ka dak wow kyrchaan ya ki chipai kiwa dang em hei yaleh kattæ wa ka Pakistan. Da ong ko wa iwa jia ha Pahalgam toh iwa pynkynmoo ya i yei chlur ki chipai, wei iwa yoh i wow chongsuk toh nei e lut ki chipai wow yada ya i.
“Ka ri waroh kawi yieñ ko kam kawi donhi wow sñiawngooh. Wei deiwa dooh thiah ki chipai da yoh i wow thiah dei suk,” da ong ko.
Da ong ko leh wa kam ka sorkar e ko yei kyrchaan wei lada em ki chipai heiwon heiwon leh ym man ki dei samen. “I waroh kiwa chong chnong ka India da emlang i wa ki deiwa yieñ chirup,” da ong chooh chooh ko.
Ka DC da pynsñiaw ko leh yei kyrmen wa daw mih deiwa bha wei yow yoh leh yei jop ya ki chipai ka ri.
Discussion about this post