“Ka Sur ki Nong Jaiñtia” kawa kynthup ya ki seiñbhalang wa kynthup ya ka JSU, KSU, HYC, JYF, JSM, MPUF, EJNC, FKJGP wa kiwi kiwi da rai ki wow pynman da ka “Black Flag Peace Rally” ha ka 26 tarik uni u bnai ha Ri-loom Jaiñtia hajrong i chah siat yap u heh warim ka HNLC, u Cherishsterfield Thangkhiew ha ki pulit ha ka 13 tarik uni u bnai.
Neiliang u President ka JSU, u Jersom Shylla da ong u wa ya kani ka Black Flag Peace Rally toh wow beiñ ya i thombor wa i leh embor ka sorkar ya ki bru wei kam kani ka Rally da pynman cha kiwi ki District ka jylla wei wow wanrah biang ya i chongsuk hapoh ka jylla.
Da ong u leh wa ya kani ka Rally toh wow pyrchah ya ka sorkar khnang wa kam ini ym jia de i neini chaphrang deiwa kyntu u leh ya ki paidbah wow wan ki chaphrang ha kani ka Rally.
Ya kani ka Rally daw pynman ha ha ka 26 tarik uni u bnai ha Khliehriat heiwa daw em ka yalang neitæ won daw lai won cha Jowai heiwa ha Jowai leh daw pynman ya ka yalang paidbah.
